1999 წლის ოქტომბრის ბოლოს რუსთავში პენსიონერებმა ფოსტის შენობასთან საპროტესტო აქცია გამართეს და კუთვნილი პენსიების დარიგება მოითხოვეს. პენსიონერთა მიტინგი რუსთავში პოლიციამ დაშალა და დააკავა რამდენიმე მომიტინგე, მათ შორის საარჩევნო ბლოკის “სახალხო ფრონტი-ილია ჭავჭავაძის საზოგადოების” ადგილობრივი ლიდერი გურამ გოგბაიძე, რომელიც მეგაფონით იყო მისული. პოლიციის თანამშრომლებმა თქვეს, რომ მათი დაკავების მიზეზი გახდა მიტინგზე ხმის გამაძლიერებელი საშუალების არასანქცირებული გამოყენება.

ხალხმა ცენტრალური მაგისტრალის გადაკეტვა სცადა, პოლიციამ ამის შესაძლებლობა არ მისცა, რასაც პოლიციასა და მომიტინგეთა შორის შეტაკება მოჰყვა. პრესის ცნობით, 1999 წლისთვის რუსთავში 20 ათასი პენსიონერი იყო, რომლებსაც წინა წლის 4 თვის და იმ წლის 2 თვის პენსია ასაღები ჰქონდათ.