1995 წლის 7 თებერვალს სანზონის მცხოვრებლებმა გურამიშვილის გამზირზე პიკეტი მოაწყვეს. მათ განაცხადეს, რომ პურის N34 მაღაზიაში უკვე მესამე დღეა, არ შეეტანათ პური და პურის ფქვილი. გაზეთ “საქართველოს რესპუბლიკის” ცნობით, იმ დღეს, პურის რიგში, ერთ-ერთმა მოქალაქემ “შიმშილისა და გაუთავებელი ლოდინისგან  გრძნობა დაკარგა. იგი მოათავსეს საავადმყოფოში”. მოპიკეტეებმა განაცხადეს, რომ პური ქარხნიდან შემოაქვთ ღამის 12 საათზე, ისიც არასაკმარისი რაოდენობით,  ირღვევა ელექტროენერგიის მიწოდების გრაფიკი. გაზეთის ცნობით,  “სასოწარკვეთამდე მისული ხალხი ხელისუფლებისგან მოითხოვს მეტ ყურადღებას, რათა უმწეო ბავშვები და მოხუცები შიმშილით და სიცივით არ დაიხოცონ”.